کافێی ئوم کولتووم

لە کوچەیەکی بەغدای کۆن، کە بۆنی چا تێکەڵ بە تۆنە گەرمەکانی مۆسیقای ڕەسەن دەبێت، کافێی ئوم کولثوم وەک یەکێک لە دیارترین شوێنەوارە کولتوورییەکان بەرز وەستاوە کە هێشتا درەوشاوەیی ڕابردووی لەناو قەرەباڵغی ئێستادا پاراستووە.

کافێیەکە بەپێی باوترین گێڕانەوەکان لە ساڵی ١٩٧٠ وەک شوێنی کۆبوونەوەی خۆشەویستانی “ئەستێرەی ڕۆژهەڵات”، ئوم کولتووم دامەزراوە. بەڵام گێڕانەوەی تر ئاماژە بەوە دەکەن کە شوێنەکە لە بنەڕەتدا دەگەڕێتەوە بۆ سەردەمی پاشایەتی، و هەڵگری ناوێکی جیاواز بووە پێش ئەوەی ناوەکەی بگۆڕدرێت وەک ڕێزێک بۆ ئەو دەنگە نەمرە، کە لە دوو بۆنەی مێژووییدا سەردانی بەغدای کردووە: لە ساڵی ١٩٣٢ و ١٩٤٦.

لەناو کافێیەکەدا دیوارەکان چیرۆکی حەسرەت دەچرپێنن؛ بە دەیان وێنەی دەگمەنی ئوم کولتووم ڕازێنراونەتەوە، لە کاتێکدا مۆسیقای ئەو بە درێژایی ڕۆژ دەژەنرێت، ئەمەش وا دەکات شوێنەکە هەست بە مۆزەخانەیەکی بچووک بکەن بۆ ئەوانەی ئارەزووی مۆسیقای کلاسیکی عەرەبی دەکەن.

بەڵام کافێی ئوم کولتووم تەنیا شوێنێک نییە بۆ خواردنەوەی چا یان قاوە- فەزایەکی کولتووری زیندووە، کە شاعیران، هونەرمەندان، نووسەران و ڕۆشنبیران تێیدا کۆدەبنەوە بۆ ئاڵوگۆڕی یادەوەری و بیرهێنانەوەی سەردەمێک کە گۆرانییەکان بە وشە و مێلۆدی و ڕۆح دروستکرابوون.

سەرەڕای ئەو گۆڕانکاریانەی شارەکە بەسەریدا هاتووە، و سەرهەڵدانی کافێ مۆدێرنەکان بە ڕۆحێکی هاوچەرخەوە، ئەم کافێیە بەردەوامە لە بەرەنگاربوونەوەی لەبیرچوونەوە، چەسپاوە بە شوناسە نەریتییەکەیەوە، پارێزگاری لە کاراکتەری ڕەسەنی خۆی دەکات وەک پردێک لە نێوان بەغدا و قاهیرە، لە نێوان یادەوەری و نۆستالژیا و لە نێوان دەنگی ئەلسیت و دڵی ئەو کەسانەی خۆشیان دەویست.